Yearly Archives: 2008

Opið húsi miðvikudaginn 19. mars kl. 15. Sr. Örn Bárður Jónsson talar um annað rit læknisins Lúkasar í Nýja testamentinu, Postulasöguna. Kaffiveitingar á Torginu í upphafi. Sjá dagskrá í Opnu húsi hér.

Á páskadagsmorgun verður sunnudagaskóli kl. 11 sem hefst inni í hátíðarmessunni líkt og venja er. Að sunnudagaskóla loknum verður páskeggjaleit á túninu fyrir utan kirkjuna. Um barnastarfið sjá Sigurvin Jónsson guðfræðingur, Björg Jónsdóttir læknanemi, Andrea Ösp Andradóttir menntskælingur og Alexandra Diljá Arnarsdóttir grunnskólanemi.

Mörgum hættir til að gera Jesú Krist að framlengingu á eigin sjálfi og gera hann að eigin sendiherra, túlka hann í samræmi við eigin gildi, hugsjónir og viðmið. Á föstunni er vert að skoða sjálfið. Pálmagrein og lítill starri geta orðið ljómandi íhugunarhjálp. Prédikun Sigurðar Árna frá pálmasunnudegi 16. mars 2008 er undir þessari smellu.

Í dag, 15. mars, verða fyrstu fermingar vorsins í Vesturbæ. Í Neskirkju fermast tveir hópar í dag og einn á morgun, Pálmasunnudag eftir hádegi en hin hefðbundna messa verður á sínum stað kl. 11. Þá verður fermt á annan í páskum og sunnudaginn eftir páska. […]

Pálmasunnudagur er kirkjudagur Neskirkju. Þá var kirkjan vígð og á sunnudaginn kemur verða 51 ár frá vígslu. Messan 16. mars hefst kl. 11. Ekki er fermt í sunnudagsmessunni heldur í sérstökum athöfnum. Sr. Sigurður Árrni prédikar og þjónar fyrir altari ásamt með sr. Erni Bárði Jónssyni. Veifum pálmum og fögnum komu Jesú Krists. […]

Fermingar hefjast í Neskirkju laugardaginn 15. mars. Þá verða 44 börn fermd í tveimur athöfnum. Á pálmasunnudag verður fermingarathöfn eftir hádegi og 24 ungmenni fermd. Nánari upplýsingar um nöfn fermingarbarna og tímasetningar athafna eru undir þessari smellu.

NeDó, unglingastarf kirkjunnar, hélt árshátíð síðastliðinn þriðjudag og þar var mikið um dýrðir. Á matseðli var dýrindis nautakjötsréttur og ís og ávextir á eftir. Vel var sótt af núverandi, fyrrverandi og verðandi NeDó-ingum og sérstakir heiðursgestir voru þau Hans Guðberg og Guðmunda sem sáum um NeDó starfið um árabil. Sr. Guðni Már Harðarsson kom og [...]

Ekki missa af síðasta tækifærinu til að snæða suðrænan saltfisk á föstunni á Kaffitorgi Neskirkju, föstudaginn 14. mars kl. 12-13. Ingibjörg R. Guðmundsdóttir, formaður sóknarnefndar ávarpar matargesti. Enda þótt Ingibjörg sé ekki formaður að hætti Þuríðar formanns er hún samt formaður á skipi með stórri áhöfn, nefnilega kirkjuskipi, sem hefur innanborðs megin hluta íbúa Vesturbæjar. [...]

Í Opnu húsi miðvikudaginn 12. mars verður farið í listreisu að Kjarvalsstöðum þar sem skoðuð verður sýning á verkum færeyska málarans Sámal Joensen-Mikines og eftir atvikum aðrar sýningar hússins. Stundin byrjar með kaffiveitingum á Torginu kl. 15 en síðan verður farið með rútu að Kjarvalsstöðum. Opið hús er alla miðvikudaga kl. 15. Sjá vor dagskrá [...]

Já, á sunnudaginn verður óvenjuleg messa því þá verða mæðgur skírðar, væntanlegt fermingarbarn og móðir þess. Hefur slíkt gerst áður á Boðunardegi Maríu í íslenskri kirkju? Séra Örn Bárður Jónsson, prédikar og þjónar fyrir altari. Hægt er að hlusta á ræðuna undir þessari smellu. […]