Neskirkja

Messa og barnastarf kl. 11. Sameiginlegt upphaf. Félagar úr Kór Neskirkju leiða safnaðarsöng. Organisti Steingrímur Þórhallsson. Sr. Sigurður Árni Þórðarson prédikar og þjónar fyrir altari. Messuþjónar aðstoða. Söngur, sögur, brúður og gleði í barnastarfinu. Umsjón Sigurvin, Katrín og Ari. Samfélag og veitingar á Torginu eftir messu.

Edda Gyðný kemur í heimsókn og kynnir bók sína Hvað á ég að gefa barninu mínu að borða? Foreldramorgnar eru alla fimmtudaga milli kl. 10 - 12. Fimmtudaginn 2. febrúar mun síðan Guðný Einarsdóttir organisti kynna Krílasálma.

Opið hús 25. janúar. Óskar Guðmundsson skrifaði merka bók um brautryðjandann Þórhall Bjarnason, biskup. Hann fór á undan í mörgum mikilægum málum samfélags og kirkju. Óskar segir frá biskupnum og bókinni um hann. Opið hús er alla miðvikudag kl. 15. Kaffiveitingar á Torginu í upphafi.

Messa og barnastarf kl. 11. Sameiginlegt upphaf. Félagar úr Kór Neskirkju leiða safnaðarsöng. Organisti Bjarni Jónatansson. Sr. Örn Bárður Jónsson prédikar og þjónar fyrir altari. Messuþjónar aðstoða. Söngur, sögur, brúður og gleði í barnastarfinu. Umsjón Sigurvin, Katrín og Ari. Samfélag og veitingar á Torginu eftir messu. Samfélag og veitingar á Torginu eftir messu. Ræðu sr. Arnar Bárðar er hægt að hlusta á hér.

Uppeldisnámskeið í Neskirkju hefst miðvikudaginn 1. febrúar en námskeiðið kennir Helga Arnfríður sálfræðingur. Námskeiðið er einkum ætlað foreldrum barna á aldrinum 6 mánaða til 9 ára. Námskeiðið er á miðvikudögum 1., 8., 15. og 22. febrúar klukkan 17.00-19.00. Námskeiðsgjald er 8.500 kr. fyrir einstakling og 12.500 kr. fyrir uppalendur sama barns. Hámarksfjöldi þátttakenda er 14 manns.
Lesa áfram …

Opið hús kl. 15 miðvikudaginn 18. janúar. Tryggvi Gíslason, fv. skólameistari MA segir frá árunum á Akureyri og öðru skemmtilegu. Kaffiveitingar á Torginu í upphafi.

Kirkjur Íslendinga eru flottar og margar gríðarleg steinkeröld. Þeim er þörf anda, hins guðlega anda. Af sjálfri sér og brjóstviti sínu er kirkjustofnun ekkert annað en smáveisla, sem þarf kraftaverk til að umbreyta í veislu himinsins. Prédikun Sigurðar Árna á 2. sunnudgi eftir þrettánda, 15. janúar 2012, er að baki þessari smellu, bæði texti og hljóðskrá. Þú getur lesið eða hlustað, nema hvort tveggja sé.

Messa og barnastarf kl. 11. Sameiginlegt upphaf. Háskólakórinn syngur undir stjórn Gunnsteins Ólafssonar. Sr. Sigurður Árni Þórðarson prédikar og þjónar fyrir altari ásamt sr. Toshiki Toma og messuþjónum. Sr. Sigurvin Jónsson sér um barnastarfið ásamt Katrínu og Ara. Eftir messu verður fjölskylduvæn og heilsusamleg veisla í safnaðarheimilinu. Allir velkomnir. Kirkjuferð í janúar eflir lífið.

Fyrsta opna hús eldri borgara á árinu 2012 verður miðvikudaginn 11. janúar. Efnið varðar yfirskilvitlega reynslu. Hvernig eigum við að skilja hana og túlka? Sr. Þórhallur Heimisson er sóknarprestur í Hafnarfirði og kunnur fræðimaður og bókahöfundur. Hann kemur og miðlar okkur af fræðasjóði sínum. Kaffi kl. 15 og síðan fræðsla og umræður. Allir velkomnir.

Messa og barnastarf 8. jan. kl. 11. Sameiginlegt upphaf. Einsöngvari Sigríður Ósk Kristjánsdóttir, mezzó sópran. Kór Neskirkju leiðir safnaðarsöng. Organisti Steingrímur Þórhallsson. Lesarar úr hópi gesta úr frímúrarastúkunni Glitni, Jónas Þór Guðmundsson og Jakob Falur Garðarsson. Séra Örn Bárður Jónsson prédikar og þjónar fyrir altari. Texta dagsins er hægt að skoða hér. Opnuð verður ný myndlistarsýning á Torginu með ljósmyndum eftir Katrínu Elvarsdóttur. Léttar veitingar eftir messu.