Opið hús er á miðvikudögum kl. 15. Dagskráin hefst með kaffisopa á Torginu og síðan er fram haldið í kennsluálmu kirkjunnar. Allir velkomnir.

Opið hús – Dagskrá næstu vikurnar er þessi:

September

14. Heilsa og líf. Sigurður Guðmundsson fv. landlæknir og núverandi forseti heilbrigðisvísindasviðs HÍ starfaði um tíma við lækningastörf í Malaví. Hann  mun deila með okkur hvað skiptir hann mestu máli í lífinu.

21. Ástin, tónlistin og fjölskyldan. Inga Rós Ingólfsdóttir er sellóleikari í Sinfóníuhljómsveit Íslands og fram-kvæmdastjóri Listvinafélags Hallgrímskirkju. Hún mun segja frá hvernig tónlistin hefur fléttast inn í uppeldi og líf hennar og stórfjölskyldu.

28. Þjóðgildin og hugsanleg frávik frá þeim. Efnahagsmál ber jafnan hátt í umræðum um þjóðmál á Íslandi. Ólafur Ísleifsson, hagfræðingur og kennari við HR, ræðir um hvaða lærdóma er hægt að draga af hruni og úrvinnslu þess. Eins  veltir hann fyrir sér gildum í íslensku þjóðlífi og frávik sem varða hrunið.

Október

5. Að fjölskylduböndin séu kærleiksbönd. Sr. Anna Sigríður Pálsdóttir starfaði sem kennari og meðferðarfulltrúi áður en hún vígðist til þjónustu í Þjóðkirkjunni. Nú starfar hún sem Dómkirkjuprestur þar sem margir leita til hennar   þegar kreppir að í fjölskyldum.

12. Þetta er helgur staður. Borgþór Kjærnested er leiðsögumaður, framkvæmdarstjóri, fararstjóri og túlkur. Hann hefur skipulagt ferðir til Ísraels undanfarin ár og fjöldi fólks hefur notið hans leiðsagnar þar og víðar. Hann mun deila með okkur stóru lífsmálum sínum.

19. Kvennguðfræðin, góða veðrið og fólkið heima. Sr. Auður Eir Vilhjálmsdóttir er brauðryðjandi. Hún var fyrsta konan sem vígð var til þjónustu í Þjóðkirkjunni. Hún er sem andleg fjallgöngukona sem hefur með skemmtilegri framkomu sinni og þátttöku í samfélaginu haft rík áhrif á   tungutak trúarinnar og hugsun.

26. Lífið og fjölskyldan. Davíð Scheving Thorsteinsson var frumkvöðull í  iðnvæðingur Íslands. Hann var formaður  Fél. ísl. iðnrekenda og forstjóri í fyrirtækinu SÓl. Davíð mun tala um það sem skiptir hann mestu máli, lífið og fjölskylduna.

Nóvember

2. Tónlist og trú. Hvernig dýpkar og auðgar tónlist trúarhugsun og hvernig tala snjallir guðfræðingar um tónlist og trú? Haraldur  Hreinsson guðfræðingur ræðir um efnið. Haraldur hefur lokið meistaragráðu í guðfræði frá Harvard í Bandaríkjunum. Músík, trú og gott samfélag.

9. Grundvallarreglur og fagnaðarerindi. Stjórnlagaráð skilaði til Alþingis frumvarpi að nýrri stjórnarskrá. Athygli vakti vinnulag ráðsins og að allir ráðsmenn samþykktu drögin. Örn Bárður Jónsson, sóknarprest-ur Neskirkju, var í hópi 25 þingmanna, sem störfuðu í Stjórnlagaráði og segir okkur frá vinnulagi og anda stjórnarskrártillögunnar.

16. Íslendingar með augum útlendinga. Ólafur Davíðsson fyrrum ráðuneytisstjóri og sendiherra lauk starfsævinni sem sendiherra í Berlín. Áður   starfaði hann sem ráðuneytisstjóri í 13 ár. Trúnaðarstörfin og samskipti við fulltrúa erlendra þjóða, hvernig ganga þau fyrir sig? Vangaveltur í kjölfar viðburðarríkrar starfsævi.

23. Tónskáldið Grieg. Grieg er þekktasta tónskáld Norðmanna. Áslaug Gunnarsdóttir mun skýra og spila sónötu hans í E-moll. Áslaug lærði píanóleik á Íslandi og í Þýskalandi og kennir píanóleik. Hún hefur boðist til að koma reglulega í opið hús til að kynna píanótónlist.

30. Magnificat – Önd mín lofar Drottinn. Á aðventutónleikum kórs Neskirkju þriðjudaginn 6. desember verða flutt tvö verk, Magnificat eftir organista Neskirkju, Steingrím Þórhallsson og Magnificat J.S. Bach. Steingrímur skýrir verkin með tali og tónum.

Desember

7. Undur aðventutímans. Tíminn fyrir jólin er undirbúningstími. Í kirkjulistinni eru ýmis tákn sem tengjast þessum tíma. Þjóðfræðiefnið er fjölbreytilegt og í bókmenntum okkar eru aðventusögur s.s. Aðventa Gunnars Gunnarssonar. Sigurður Árni Þórðarson, prestur í Neskirkju, stýrir aðventudagskrá.

28. Jólaball í Neskirkju. Litli kórinn syngur undir stjórn Magnúsar Ragnarssonar. Jólasöngvar sungnir og dansað verður í kringum jólatré. Sr. Sigurður Pálsson talar um: Mundu mig ég man þig!