Neskirkja

Gestur í Opinu húsi miðvikudaginn 21. nóvember er dr. Dagný Kristjánsdóttir, prófessor, sem talar um Torfhildi Hólm og skáldskap hennar. Kaffiveitingar á Torginu í upphafi. Opið hús er alla miðvikudaga kl. 15.

Jón Þorsteinsson tenór og Hörður Áskelsson orgelleikari kom fram á tónleikum föstudaginn 23. nóvember en þeir félagar hafa lengi starfað saman. Þeir munu flytja tíu sálma af hljómdiskinum “Ó, Jesú, að mér snú” sem nýverið kom út og hefur hlotið mikið lof. Einnig munu þeir flytja fimm “Geistliche Lieder” eftir J. S. Bach. Miðaverð 1.000 kr.

Lesa áfram …

Fimmtudaginn 22. nóvember kemur hjúkrunarfræðingur frá Heilsugæslunni á Seltjarnarnesi í heimsókn og fjallar um matarræði ungbarna. Foreldramorgnar eru alla fimmtudaga kl. 10.

Messa og barnastarf kl. 11. Félagar úr Háskólakórnum leiða safnaðarsöng. Organisti Steingrímur Þórhallsson. Sr. Örn Bárður Jónsson prédikar og þjónar fyrir altari. Börnin byrja í kirkjunni en fara síðan í safnaðarheimilið. Söngur, sögur og brúður. Kaffi á Torginu eftir messu.
Ræðuna sem ber yfirskriftina „Endurkoma Krists og andleg olíukreppa“ er hægt að nálgast með því að smella hér.

Gestur í Opnu húsi í Neskirkju á miðvikudaginn kemur, 14. þ.m., verður dr. Þór Jakobsson veðurfræðingur sem segir frá föður sínum, Jakob Jónssyni dr. theol., fyrrum sóknarpresti í Hallgrímskirkju. Opið hús er alla miðvikudaga kl. 15. Kaffiveitingar á Torginu í upphafi.

Mikil hátíð var í messu í Neskirkju á kristniboðsdegi. Hópskírnin var eins og á kristniboðsakrinum. Davíð Kári er á fyrsta ári, Gunnar er tæplega tveggja ára og Una er fermingarstúlka – allt afar mannvænlegt fólk. Svo prédikaði Sigríður Hrönn Sigurðardóttir, guðfræðingur og kristniboði. Myndirnar sem hún dró upp frá Austur-Afríku eru sláandi. Prédikunin er hér að neðan.

Lesa áfram …

Á þriðjudaginn síðasta var mikið um dýrðir í Neskirkju þegar yfir 80 ungmenni á fermingaraldri gengu um hverfið með söfnunarbauka fyrir Hjálparstarf kirkjunnar. Sama kvöld tók NeDó, unglingastarf Neskirkju og Dómkirkju, þátt í keilumóti ÆSKR. Lesið áfram, skoðið myndir og fáið nánari fregnir.

Lesa áfram …

Kristniboðsdagur þjóðkirkjunnar er í ár 11. nóvember. Sigríður Hrönn Sigurðardóttir, guðfræðingur og kristniboði, prédikar í Neskirkju í messunni. Sr. Sigurður Árni Þórðarson þjónar fyrir altari. Organisti Steingrímur Þórhallsson. Í messuna 11.11. og kl. 11 eru allir velkomnir.

Lesa áfram …

Hefur þú áhuga á andlegri heilbrigði þinni? Viltu dekra við sál þína? Næsti kyrrðardagur Neskirkju verður laugardaginn 10. nóvember. Dagskrá hefst kl. 10 árdegis og lýkur um kl. 16.

Lesa áfram …

Fimmtudaginn 8. nóvember kemur Herdís Storgaard á foreldramorgna og fræðir um slysavarnir barna. Kaffi á könnunni. Foreldramorgnar eru alla fimmtudaga kl. 10 til 12.