Neskirkja

í opnu húsi miðvikudaginn 27. febrúar mun dr. Jón Bragi Bjarnason, prófessor í lífefnafræði í Háskóla Íslands segja frá vísindarannsóknum sínum og fjalla m.a. um „pensím“ sem hann útskýrir nánar og kallar erindi sitt „Að þora með slori“. Opið hús er alla miðvikudaga kl. 15 og byrjar með kaffiveitingum á Torginu.

Hefur þú áhuga á andlegri heilbrigði þinni? Kyrrðardagar eru haldnir reglulega í Neskirkju við Hagatorg og henta sálarvinnu vel. Næsti kyrrðardagurinn verður laugardaginn 1. mars. Sigríður Hrönn Sigurðardóttir, guðfræðingur og sérfræðingur í kristinni íhugun, sér um hugleiðingar. Dagskrá hefst kl. 10 árdegis og lýkur um kl. 16.

Lesa áfram …

Sr. Örn Bárður Jónsson prédikar og þjónar fyrir altari. Organisti Steingrímur Þórhallsson. Meðhjálpari Ursula Árnadóttir. Félagar úr messuhópi helgarinnar lesa ritningarlestra og fara með bæn. Börnin byrja í messunni en fara síðan til sinna starfa. Umsjón með barnastarfinu hafa þau Sigurvin Jónsson, Björg Jónsdóttir og Ari Agnarsson. Kaffi, súpa og brauð á Torginu eftir messu. Ritningarlestra dagsins er hægt að nálgast hér. Prédikun Arnar er hægt að nálgast á þessum tengli.

Lífið er saltfiskur. Alla föstudaga til 14. mars - verður boðið upp á saltfiskmáltíð í hádeginu á Kaffitorgi Neskirkju í tilefni föstunnar. Föstudaginn 22. febrúar mun Óskar Sævarsson, forstöðumaður Saltfisksetursins, koma og ræða við matargesti.

Lesa áfram …

Í Opnu húsi miðvikudaginn 20. febrúar mun Herdís Þorvaldsdóttir leikkona koma í heimskókn og spjalla um líf sitt og starf og rifja upp minningar frá löngum leikferli í Þjóðleikhúsinu og víðar. Opið hús er alla miðvikudaga kl. 15 og hefst með kaffiveitingum á Torginu.

Nú um helgina fór fram Febrúarmót ÆSKR í Vatnaskógi og komu þá saman tæplega 200 unglingar. Frá Neskirkju fór hópur unglinga og auk þeirra greiddi Neskirkja fyrir 5 eldri leiðtoga til að starfa á mótinu. Við erum sannarlega stollt af unga fólkinu okkar sem voru kirkjunni og hverfinu til sóma um helgina.

Lesa áfram …

Messa og barnastarf kl. 11. Félagar úr Háskólakórnum leiða safnaðarsöng. Organisti Sigrún Steingrímsdóttir. Sr. Kristján Valur Ingólfsson prédikar og þjónar fyrir altari. Börnin byrja í kirkjunni en fara síðan í safnaðarheimilið þar sem þau fá fræðslu við sitt hæfi. Umsjón með barnastarfinu hafa Björg Jónsdóttir og Ari Agnarsson. Kaffi, súpa og brauð eftir messu á Torginu.

Þriðjudaginn 12. febrúar kl. 19 hefst fræðslunámskeið í Neskirkju þar sem sr. Örn Bárður Jónsson mun fara í helstu stef Postulasögunnar. Fyrirkomulag verður það sama á og hinum vinsælu Alfanámskeiðum. Viltu fá að hlusta fyrsta kvöldið og sjá svo til? Vertu velkomin/n! Skráning í síma 511 1560 eða á neskirkja@neskirkja.is.

Sjá nánar hér!

Skírn í upphafi messu. Félagar úr Kór Neskirkju leiða safnaðarsöng. Organisti Steingrímur Þórhallsson. Meðhjálpari Ursula Árnadóttir. Sr. Örn Bárður Jónsson prédikar og þjónar fyrir altari. Félagar úr messuhópi helgarinnar lesa ritningarlestra og fara með bæn. Börnin byrja í messunni en fara síðan til sinna starfa. Umsjón með barnastarfinu hafa þau Sigurvin Jónsson, Björg Jónsdóttir og Ari Agnarsson. Kaffi, súpa og brauð á Torginu eftir messu. Ræðuna er hægt að lesa og hlýða á hér.

Gestur í Opnu húsi í Neskirkju miðvikudaginn 6. febrúar verður dr. Þuríður J. Kristjánsdóttir, fyrrum prófessor í sálarfræði í Kennaraháskóla Íslands, sem talar um Málfríði Einarsdóttur skáldkonu. Kaffiveitingar á Torginu. Opið hús er alla miðvikudaga kl. 15.