Neskirkja

Opið hús miðvikudaginn 14. mars kl. 15. Áslaug Gunnarsdóttir, píanóleikari, heldur uppteknum hætti og heldur tónleika í opnu húsi. Í haust var það Grieg en nú leikur hún Bach og skírir tónlistina. Kaffiveitingar á Torginu í upphafi.

Fullorðinsfræðsla Neskirkju heldur áfram á morgun þriðjudag kl. 18.00 - 19.30 en umræðuefni kvöldsins er Fullorðinstrú um röklegt samhengi trúar og texta. Allir eru velkomnir en fyrsta fræðslukvöldið má nálgast með því að smella á myndina að ofan. Umsjón hafa Sigurvin Jónsson og Rúnar Reynisson.

Messa kl. 11. Kór Neskirkju og stúlknakórinn syngja. Stjórnandi og organisti Steingrímur Þórahallsson. Sr. Jakob Ágúst Hjálmarsson prédikar og þjónar fyrir altari. Messuþjónar aðstoða. Söngur, sögur, brúður og gleði í barnastarfinu. Umsjón Sigurvin, Katrín og Ari. Samfélag og veitingar á Torginu eftir messu.

Opið hús kl. 15. Miðvikudaginn 7. mars verður farið í Listasafn Einars Jónssonar. Kaffiveitingar í upphafi á Torginu. Lagt verður af stað frá safnaðarheimilunu kl. 15.20 með rútu. Áætluð heimkoma rúmlega 16.30.

Æskulýðsdeginum var fagnað í Neskirkju í dag en full kirkja var við guðsþjónustu í morgun þar sem fjallað var um einelti og boðskap Jesú um að vera öðrum ljós. Barnakór Neskirkju söng, Una Kamilla Steinsen spilaði á píanó undir einsöng Heiðu Darradóttur og Símon Kämpferd 18 ára flutti hugleiðingu. Eftir guðsþjónustuna eyddu fermingarungmennin deginum í Vatnaskógi. Myndir: Lesa áfram …

Í tilefni æskulýðsdagsins skrifa Sigurvin Jónsson æskulýðsprestur Neskirkju og Sunna Dóra Möller í Akureyrarkirkju um faglegar kröfu og þróun í barna- og unglingastarfi. Neskirkja er í dag fremst meðal jafningja í æskulýðsstarfi kirkjunnar í Reykjavík.

Þrátt fyrir að biskup Íslands hafi ítrekað kallað eftir því að barna- og unglingastarfi verði sérstaklega hlíft við niðurskurði er staðan í Reykjavíkurprófastsdæmum sú að segja má að fótunum hafi verið kippt undan æskulýðsstarfinu. Árið 2006 voru 10 fagmenntaðir aðilar, æskulýðsfulltrúar, -prestar eða -djáknar, í 100% starfi við söfnuði í Reykjavíkurprófastsdæmum auk 3 í 50% hlutfalli eða stærra. Nú árið 2012 er einn söfnuður með fagmenntaðan aðila í fullu starfi og 5 kirkjur með starfsmann í 50% - 75% hlutfalli. Lesa á trú.is

Fjölskylduguðsþjónusta kl. 11. Barnakór Neskirkju syngur. Stjórnandi Hilmar Örn Agnarsson. Félagar úr Kór Neskirkju leiðir safnaðarsöng. Organisti Steingrímur Þórhallsson. Leiðtogar úr unglingastarfi kirkjunnar leiða stundina. Sigurvin Jónsson æskulýðsprestur þjónar fyrir altari. Samvera og veitingar á Torginu eftir messu.

Hinir árlegu saltfiskdagar hófst á ný s.l. föstudag 24. febrúar. Hátt í fjörtíu manns mættu í hádeginu og snæddu ljúfengan suðrænn saltfiskur (bacalao). Saltfisksdagar munu halda áfram á föstudögum út föstuna og hefst borðhald kl. 12. Þér er hér með boðið að koma og njóta góðra rétta á sanngjörnu verði.

Lesa áfram …

Þriðjudaginn 28. febrúar hefst fimm kvölda námskeiði í Neskirkju verður fjallað á léttum nótum um kristna trú og hlutverk trúarinnar í lífinu. Fræðslan er í höndum Sigurvins Jónssonar og Rúnars Reynissonar og hefst kl. 18 og stendur til kl. 19.30 og er ókeypis. Fjallað verður um bókstafsleg trúarviðhorf, barnatrú/barnslega trú og fjölbreytileika hins trúarlega veruleika. Námskeiðið blandar saman fræðslu, umræðum og verkefnum. Kennarar eru guðfræðingar og starfa í Neskikju. Allir eru velkomnir á námskeiðið. Lesa áfram …

Messa og barnastarf kl. 11. Sameiginlegt upphaf. Félagar úr Kór Neskirkju leiða safnaðarsöng. Organisti Steingrímur Þórhallsson. Sr. Þórir Jökull Þorsteinsson prédikar. Sr. Sigurður Árni Þórðarson þjónar fyrir altari. Messuþjónar aðstoða. Söngur, sögur, brúður og gleði í barnastarfinu. Umsjón Sigurvin, Katrín og Ari. Samfélag og veitingar á Torginu eftir messu. Samfélag og veitingar á Torginu eftir messu.