Neskirkja

Messa kl. 11. Félagar úr Kór Neskirkju leiða safnaðarsöng. Organisti Steingrímur Þórhallsson. Sr Örn Bárður Jónsson prédikar og þjónar fyrir altari ásamt Þórhildi Ólafs. Messuþjónar aðstoða.

Aðalsafnaðarfundur Nessafnaðar kl. 12.20. Á dagskrá eru venjuleg aðalfundarstörf

Messa á vegum Ísfirðingafélagsins og Félags Álft- og Seyðfirðinga kl. 14. Sönghópur Vesfirðinga leiðir söng. Organisti Bjartur Guðnasson. Sr. Örn Bárður Jónsson prédikar og þjónar fyrir altari ásamt vestfirskum prestum. Kaffiveitingar á vegum félaganna að lokinni messu.

Hvítasunnudagur, 23. maí: Hátíðarmessa kl. 11. Kór Neskirkju syngur. Organisti Steingrímur Þórhallsson. Sr. Örn Bárður Jónsson prédikar og þjónar fyrir altari. Messuþjónar aðstoða. Samfélag og kaffi á Torginu eftir messu. Ræðu Arnar „Hvít er sú þrá“ er hægt að lesa hér og hlusta á.

Annar í hvítasunnu, 24. maí: Messa kl. 11. Félagar úr Kór Neskirkju leiða safnaðarsöng. Sr. Toshiki Toma þjónar fyrir altari. Sigurvin Jónsson guðfræðingur og umsjónarmaður barna- og unglingastarfs kirkjunnar prédikar. Samfélag og kaffi á Torginu eftir messu.

Skráning á fermingardaga næsta vor er hafin og eru þrír fermingardagar sem hægt er að velja úr. Til að skrá ungmenni er hægt að senda tölvupóst á netfangið runar@neskirkja.is eða hringja í 511-1560 kl. 09.00-14.00 alla virka daga. Nánari upplýsingar um fermingarfræðsluna má nálgast með því að fylgja krækjunni að neðan.

Fermingar vorið 2011
Sunnudaginn 10. apríl kl. 13.30
Laugardaginn 16. apríl (daginn fyrir pálmasunnudag) kl. 11 og 13.30
Annan í páskum 25. apríl kl. 11

Vorið er komið og barnastarf Neskirkju er að fagna uppskeru vetrarins. Í síðustu viku voru grillaðar pylsur í öllu barnastarfi kirkjunnar og síðasta sunnudag fór Sunnudagaskólinn í vorferð á sveitabæinn Bjarteyjarsand á Hvalfjarðarströnd. Á Bjarteyjarsandi fengu börnin að klappa lömbum, naggrísum, hundum og hestum en Kátur kanína leyfði fáum að klóra sér frekar en í fyrra. Á leiðinni heim var komið við í Hallgrímskirkju í Saurbæ þar sem Sunnudagaskólanum var formlega slitið. Í sumar eru síðan leikjanámskeið við kirkjuna og unglingastarfið verður starfrækt út Júní. Myndir úr ferðinni eru á myndasíðu BaUN.

Við heimsækjum Sólheima í Grímsnesi. Sr. Birgir Thomsen tekur á móti okkur í Sólheimakirkju, sýnir okkur vinnustofur og kertagerðina. Sr Birgir segir okkur frá fjölbreyttri starfssemi Sólheima og Sesselju, hugsjónakonunni sem ótrauð beitti sér fyrir því að starf var hafið á Sólheimum. Sölvi í Brekkukoti tekur á móti okkur í kaffi. Lagt verður af stað frá Neskirkju kl. 13. Nánari upplýsingar í síma 5111560.

Messa og vorferð barnastarfsins kl. 11. Sameiginlegt upphaf en síðan halda börnin út í vorið! Fermd verður Laufey Svafa Rúnarsdóttir, Holtsgötu 21. Flautuhópurinn Kósí leikur undir stjórn Pamelu De Sensi. Félagar úr Kór Neskirkju leiða safnaðarsöng. Organisti Bjarni Jónatansson. Sr. Toshiki Toma prédikar. Sr. Örn Bárður Jónsson þjónar fyrir altari. Messuþjónar aðstoða. Samfélag og veitingar á Torginu eftir messu. Prédikun Toshikis er hægt að lesa hér.

Sunnudagaskóli vetrarins hefur verið vel sóttur og sunnudaginn 16 maí verður honum slitið með vorferð. Sunnudagaskólinn hefst í messu safnaðarins kl. 11 en síðan fara börn og fullorðnir í rútur og förinni haldið á sveitabæinn Bjarteyjarsand í Hvalfirði. Á Bjarteyjarsandi eru fjölmörg dýr sem að börnin geta klappað og við ætlum að grilla saman í sveitakyrrðinni. Á heimleiðinni verður síðan komið við í Hallgrímskirkju á Saurbæ þar sem Sunnudagaskólanum verður formlega slitið þar til næsta haust. Allir eru velkomnir með í sveitaferðina og aðgangur er ókeypis.

Miðvikudaginn 12. maí mun Friðrik Á. Guðmundsson kaupmaður í Melabúðinni koma í heimsókn og segja frá starfi sínu og samskiptum við viðskiptavini. Kaffiveitingar á Torginu í upphafi.

Fimmtudaginn 13. maí, uppstigningardag, verður haldin guðsþjónusta í Neskirkju kl. 14. Litli-kórinn, kór eldri borgara, syngur. Organisti Reynir Jónasson. Sr. Örn Bárður Jónsson prédikar og þjónar fyrir altari. Kaffiveitingar að lokinni guðsþjónustu í boði sóknarinnar. Eldri borgarar sérstaklega boðnir velkomnir!

Þann 20. maí kl. 10

hefst skráning á sumarnámskeið fermingarbarna

sem verður haldið dagana 15.-22. ágúst 2010.

Sjá nánar hér fyrir neðan.
fermingar-2011-kynning-mai-2010