Neskirkja

Opið hús kl. 15 miðvikudaginn 18. janúar. Tryggvi Gíslason, fv. skólameistari MA segir frá árunum á Akureyri og öðru skemmtilegu. Kaffiveitingar á Torginu í upphafi.

Kirkjur Íslendinga eru flottar og margar gríðarleg steinkeröld. Þeim er þörf anda, hins guðlega anda. Af sjálfri sér og brjóstviti sínu er kirkjustofnun ekkert annað en smáveisla, sem þarf kraftaverk til að umbreyta í veislu himinsins. Prédikun Sigurðar Árna á 2. sunnudgi eftir þrettánda, 15. janúar 2012, er að baki þessari smellu, bæði texti og hljóðskrá. Þú getur lesið eða hlustað, nema hvort tveggja sé.

Messa og barnastarf kl. 11. Sameiginlegt upphaf. Háskólakórinn syngur undir stjórn Gunnsteins Ólafssonar. Sr. Sigurður Árni Þórðarson prédikar og þjónar fyrir altari ásamt sr. Toshiki Toma og messuþjónum. Sr. Sigurvin Jónsson sér um barnastarfið ásamt Katrínu og Ara. Eftir messu verður fjölskylduvæn og heilsusamleg veisla í safnaðarheimilinu. Allir velkomnir. Kirkjuferð í janúar eflir lífið.

Fyrsta opna hús eldri borgara á árinu 2012 verður miðvikudaginn 11. janúar. Efnið varðar yfirskilvitlega reynslu. Hvernig eigum við að skilja hana og túlka? Sr. Þórhallur Heimisson er sóknarprestur í Hafnarfirði og kunnur fræðimaður og bókahöfundur. Hann kemur og miðlar okkur af fræðasjóði sínum. Kaffi kl. 15 og síðan fræðsla og umræður. Allir velkomnir.

Messa og barnastarf 8. jan. kl. 11. Sameiginlegt upphaf. Einsöngvari Sigríður Ósk Kristjánsdóttir, mezzó sópran. Kór Neskirkju leiðir safnaðarsöng. Organisti Steingrímur Þórhallsson. Lesarar úr hópi gesta úr frímúrarastúkunni Glitni, Jónas Þór Guðmundsson og Jakob Falur Garðarsson. Séra Örn Bárður Jónsson prédikar og þjónar fyrir altari. Texta dagsins er hægt að skoða hér. Opnuð verður ný myndlistarsýning á Torginu með ljósmyndum eftir Katrínu Elvarsdóttur. Léttar veitingar eftir messu.

Úr prédikun Arnar Bárðar á gamlárskvöld:

„En það sem var svo undursamlegt að sjá var þegar ungarnir komu að ísbrúninni og sáu hafið í fyrsta sinn – ungarnir sem aldrei höfðu synt og aldrei séð sjó – þeir köstuðu sér ákafir til sunds og köfuðu í djúpið.“

Hvernig mætum við hinu óvænta? Ræðuna er hægt að nálgast hér, lesa og hlusta.

Guð þorir. Í djúpi kristninnar er boðskapur um að Guð tekur upp á hinu óvænta og leggur sig í hættu vegna lífsins. Kristin trú er ekki átrúnaður hins læsta heimskerfis. Guð er hefur áhuga á að skapa líf en ekki kerfi. Þú mátt lifa í þeim anda, hugsa hættulegar hugsanir og þora. Má bjóða þér hamingjutíma? Nýársprédikun Sigurðar Árna er að baki þessari smellu, bæði texti og einnig hljóðskrá.

Gamlárskvöld
Aftansöngur kl. 18.00. Trompet Baldvin Oddsson. Kór Neskirkju syngur. Organisti Steingrímur Þórhallsson. Sr. Örn Bárður Jónsson prédikar og þjónar fyrir altari.

Nýársdagur
Hátíðarmessa kl. 14.00. Einsöngur Gissur Pálsson. Kór Neskirkju syngur. Organisti Steingrímur Þórhallsson. Sr. Sigurður Árni Þórðarson prédikar og þjónar fyrir altari.

Opið hús kl. 15. Jólaball. Hljómur, Kór eldri borgara syngur undir stjórn Magnúsar Ragnarssonar. Jólasöngvar sungnir og dansað verður í kringum jólatré. Kristín Ísleifsdóttir og Rósa Guðmundsdóttir flytja sjálfvalið efni. Sr. Sigurður Pálsson er ræðumaður dagsins og talar um: Mundu mig ég man þig! Kaffiveitingar á Torginu.

Bönnum lausagöngu karltrölla í almannarýminu. Skoðum manndóm og karlmennsku Jósefs. Hann var ekki maður með allt vitið útvortis í vöðvum, heldur vitur maður sem þorði. Prédikun Sigurðar Árna á 2. jóladag 2011 er að baki þessari smellu.