LÆK (leiklistarfélag æskulýðsfélaga kirkjunnar) fékk það verkefni að bera fram gleðitexta í Bænarý guðsþjónustu síðastliðinn föstudag. Gleði skal deila og því deilum við gleðinni hér.

Ef þú værir enn á lífi … hvernig myndir þú nota líf þitt. TTT krakkarnir Erla, Ella og Ýmir svöruðu spurningunni í Halloween myndbandi BaUN.

Landsmót æskulýðsfélaga kirkjunnar var haldið á Selfossi sl helgi og tóku 500 ungmenni og leiðtogar þátt í mótinu. Markmið mótsins að þessu sinni var að safna fé til styrktar börnum sem misstu foreldri í náttúruhamförunum í Japan í mars. Frá Neskirkju og Dómkirkju fóru um 20 þátttakendur auk NeDó leiðtoga sem unnu sjálfboðavinnu á mótinu. Gunnar Óli Markússon sóknarnefndarmaður setti saman svipmyndir af nýafstöðnu móti.

Á nýafstöðnu Landsmóti ÆSKÞ var fræðsla í höndum Neskirkjufólks. Sigurvin Jónsson æskulýðsprestur fræddi unglinga á mótinu um andskotann, guðfræðingurinn og sóknarnefndarmaðurinn Davíð Þór Jónsson fjallaði um ritgerð sína Andskotans helvíti og Toshiki Toma prestur innflytjenda sagði frá aðstæðum barna í Japan eftir náttúruhamfarir marsmánaðar.

Hluti II-IV Lesa áfram …

Æskulýðsfélag Neskirkju og Dómkirkju tekur næstu helgi þátt í stærsta viðburði ársins í kristilegu æskulýðsstarfi, Landsmóti ÆSKÞ. Mótið er í ár haldið á Selfossi og eru 500 þátttakendur skráðir á mótið, þar af um 30 ungmenni og leiðtogar frá NeDó. Fyrir mótið sömdu þrjár hæfileikaríkar stúlkur dans sem tekin var upp og verður sýndur á mótinu. Fylgjast má með mótinu á heimasíðu ÆSKÞ.

ÆSKR stendur fyrir leiðtogafræðslu fyrir ungmenni á framhaldsskóla og háskólaaldri og s.l. miðvikudag fræddi æskulýðsprestur Neskirkju um sögur. Áhugasamir geta hlustað á hluta af fræðslunni. Hluti I: Sögur - barnæskusögur, afrekssögur og fjölskyldusögur; Hluti II: Epík og mýta; Hluti III: Sjö tegundir sagna & Hluti IV: Dæmi um sjö tegundir sagna.

Lesa áfram …

Í júlímánuði fór hópur ungmenna frá Neskirkju í ungmennaskipti til bæjarins Langerwehe í Þýskalandi. Ungmennaskiptin voru skipulögð af íslenskum presti, Sjöfn Þór Müller, sem búsett er í þýskalandi og hélt Æskulýðssamband kirkjunnar í Reykjavíkurprófastsdæmum utan um íslenska hópinn. Frá Neskirkju fóru tveir leiðtogar, þeir Guðjón Andri Reynisson og Gunnar Óli Markússon, og fimm þátttakendur. Yfirskrift ferðarinnar var Be green, be fair, be happy og umfjöllunarefnið snéri að náttúruvernd, sanngjörnum viðskiptaháttum og hvernig megi breyta heiminum til góðs með gleði í hjarta.

Lesa áfram …

Barnastarf Neskirkju hefst n.k. sunnudag með Sunnudagaskóla kirkjunnar og kirkjustarfið hefst í vikunni á eftir.

Dagskrá BaUn 2011-2012

Lesa áfram …

Hungursneyð, stríð og betri heimur eru meðal þess sem fermingarbörnin í Neskirkju ræða á sumarnámskeiði sem nú stendur yfir. Á námskeiðinu upplifa börnin það í hvaða hlutverki kirkjan er á vegferðinni frá því að vera barn til þess að vera unglingur og fá tækifæri til að glíma við stóru spurningarnar í lífinu. Þau eiga samleið með kirkjunni. Sigurvin Jónsson og Matthildur Bjarnadóttir segja frá í Sjónvarpi kirkjunnar.

Í sumar heldur Neskirkja tvö leikjanámskeið fyrir börn á aldrinum 6 – 10 ára (fædd 2000 – 2004). Á leikjanámskeiðunum er fjölbreytt dagskrá í boði úti og inni. Meðal annars verður farið í hópleiki, þrautaleiki, skapandi verkefni unnin og farið í strætóferðir. Einu sinni á námskeiði er farið í ferð út fyrir borgina og slegið upp grillveislu.

Námskeið  I:  2. – 5. ágúst*
Námskeið II : 8. – 12. ágúst

Lesa áfram …